Pune Rain Update
Pune Rain Update: पुण्यात मुसळधार पाऊस (Pune Rain Update) सुरू आहे. पुण्यातील अनेक भागांमध्ये पावसाने हाहा:कार माजवला आहे. मुसळधार पावसामुळे जनजीवन विस्कळीत झाले आहे. पुण्यातील परिस्थिति गांभीर्य लक्षात घेऊन पुण्याचे पालकमंत्री अजित पवार यांनी प्रशासनाकडून कशाप्रकारे बचावकार्य सुरू आहे. राज्यातील विविध भागात मुसळधार पावसाने हजेरी लावली असून मुंबई पुण्यात पावसाने हाहाकार माजवला आहे. पुणे शहर आणि जिल्ह्याच्या परिसरात पावसाचा जोर वाढला असल्याने जिल्हाधिकारी सुहास दिवसे यांनी पुणे शहर आणि जिल्ह्यातील शाळांना सुटी जाहीर केली आहे. हवामान विभागाने येत्या काही तासात पुणे शहर, भोर, वेल्हा, मावळ, मुळशी, हवेली तालुक्यातील खडकवासला परिसरात अतिमुसळधार पावसाचा इशारा दिला असल्याने (रेड अलर्ट) या शाळा 25 व 26 जुलै रोजी बंद ठेवण्यात आदेश जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ. सुहास दिवसे यांनी दिले आहेत.
याचा आढावा घेण्यात आला आहे. तसेच आता नागरिकांच्या बचावासाठी आणि त्यांना सुरक्षितस्थळी हलवण्यासाठी भारतीय लष्कराची तुकडी तैनात करण्यात आली आहे. तर, आता सायंकाळी पाच वाजता मुळशी धरणातून 5 ते 7 हजार कयुसेक पाण्याचा विसर्ग करण्यात येणार आहे. अशी माहिती पुणे जिल्हाधिकारी कार्यालयातून देण्यात आली आहे. पुण्यातील आटोक्यात आली नसल्याने उपमुख्यमंत्री अजित पवारांनी एकता नगर परिसरात आढावा घेतला. यावेळी नागरिकांनी येथील अडचणीचा पाढा त्यांच्यासमोर वाचून दाखवला.
तर दुसरीकडे मुंबईतही पावसाने चांगलाच जोर धरला असून मुंबई लोकल विस्कळीत झाली आहे. परिणामी कामाशिवाय बाहेर न् पडण्याचं आव्हान करण्यात आलं आहे. गेल्या काही दिवसांपासून सुरू असलेल्या सततधार पावसामुळे रायगड अनि ठाणे जिल्ह्यातून वाहणाऱ्या उल्हास नदीच्या पाणी पातळीवरून वाहत होती. बदलापूरात 16.50 मीटर ही इशारा पातळी आहे. तर 17.50 मीटर धोका पातळी आहे.
पुण्यात मुसळधार पावसामुळे (Pune Rain Update) अनेक रस्त्यांना नद्यांचं स्वरूप आलं आहे. अनेकांच्या घरात पाणी शिरल आहे. तर काही भागात जनजीवन देखील विस्कळीत झाल्याचं पाहायला मिळत आहे. लोकांना सुरक्षित ठिकाणी हलवण्यासाठी प्रशासन कामाला लागलं आहे. पुण्याच्या नागरी प्रशासनाने केलेल्या विनंतीवरुण लष्कराच्या बचाव आणि मदत कार्य पथकाने एकता नगरच्या दिशेने प्रयाण केले आहे. या पथकासोबत आपत्तीने प्रभावित लोकांना मदत करण्यासाठी तसेच तत्पर आणि परिणामकारक मदतकार्यासाठी आवश्यक बचाव बोटी आणि अत्यावश्यक वैद्यकीय सेवा देण्यासाठी टीम सज्ज करण्यात आली आहे.
याशिवाय, पालघर, ठाणे, मुंबई उपनगर, रायगड हे जिल्हे तसंच सातारा आणि पुण्याच्या घाट भागात रेड अलर्ट देण्यात आला आहे. तर रत्नागिरी, नाशिक, कोल्हापूरमध्ये ऑरेंज अलर्ट आहे. 26 जुलै साठी रायगड, रत्नागिरी आणि साताऱ्याच्या घाट भागात रेड अलर्ट आहे अशी माहिती देण्यात आली. ठाणे, पालघर, मुंबई, सिंधुदुर्ग पुणे आणि कोल्हापूर मध्ये ऑरेंज अलर्ट असेल असे हवामान विभागाने सांगितले.
या पावसांमुळे जिल्ह्यातील विविध धरणामधून विसर्ग सुरू करण्यात आला आहे. पुणे शहरातील विविध भागांमध्ये पावसांमुळे आणि खडकवासला धरणातून सुरू असलेल्या विसर्गामुळे पाणी शिरले आहे. मुळा मुठा नद्यांना त्यामुळे पुर आला आहे. इथला भिडे पूल पाण्याखाली गेलेला आहे. शहरात काही ठिकाणी वृक्ष कोसळण्याच्या घटना घडल्या. पुढच्या काही तासांमध्ये असाच मुसळधार पाऊस सुरू राहणार असून नागरिकांनी बाहेर जाने टाळावे असे आवाहन प्रशासनाच्या वतीने करण्यात येत आहे.
Pune Rain Update: बचावकार्य युद्धपातळीवर सुरू
पुण्यातील विविध भागात पाणी साचले आहे. पावसाचा जोर न् ओसरल्यामुळे या भागातील जनजीवन ठप्प झाले आहे. या परिस्थितीमुळे पुण्यात लष्कराकडून बचावकार्य केले जात आहे. आतापर्यंत बचावकार्यात 400 जणांना सोडवण्यात आले आहे. मुळशी तालुक्यातील लवासा रोड इथं दरड कोसळली आहे. त्यामुळे तिथे NDRF च्या टीमला बचाव कार्यासाठी पाठवण्यात आलं आहे.
Pune Rain Update: पुण्यातील पावसाची परिस्थिति
पुणे जिल्ह्यातील अनेक भागांमध्ये मोठ्या प्रमाणात पाऊस झाला आहे. हवामान विभागाने दिलेल्या आकडेवारी नुसार जुन्नर मध्ये 214 मिमी, लवासा मध्ये 418 मिमी तर लोणावळ्यात 299.5 मिमी पाऊस झाला आहे. तर पुणे शहरातील वडगाव शेरी, चिंचवड एनडीए परिसरासह तळेगाव आणि आंबेगाव मध्ये 100 मिमी हून अधिक पावसाची नोंद करण्यात आली आहे.
पुणे महानगरपालिका हद्दीत बालेवाडी ब्रिज, मुळा नदी ब्रिज, संगम रोड ब्रिज, होळकर ब्रिज, संगमवाडी ब्रिज, महर्षि शिंदे ब्रिज, हडपसर-मुंढवा रोड ब्रिज, मातंग ब्रिज, येरवडा शांतीनगर येथील ब्रिज, निंबजनगर ब्रिज, मोई आणि चिकली रस्त्यावरील इंद्रायणी पूल पावसामुळे पाण्याखाली गेले आहेत. खडकवासला धरणातून रात्रीपासून 35 हजार कयुसेक्सने विसर्ग सुरू करण्यात आला आहे. धारण परिसरात 11 मिमी तर घाटमाथ्यावर 200 मिमी पेक्षा जास्त पाऊस पडला आहे.
त्यानुसार शहरातील भिडे पूल पाण्याखाली गेला असून सिंहगड रस्त्यावरील नदीकाठच्या द्वारका, एकता अशा सोसायटयांमध्ये पाणी शिरले आहे. तर ह्ईगणे परिसरातील साईनगर इथं डोंगर माथ्यावरून मोठ्या प्रमाणावर पाणी येत आहे. ताम्हिणी जवळील आदरवाडी गाव परिसरातील डोंगरकडा तुटल्याने एक जणाचा मृत्यू तर आणखी एकजण जखमी झाला आहे. पुण्यातील सर्व पर्यटन स्थळांवर 48 तासांकरिता बंदी आदेश जारी करण्यात आहे.
Pune Rain Update: विजेचा शॉक लागून तिघांचा मृत्यू
पुणे शहरातील झेड ब्रिज परिसरातील अंडा भुर्जी स्टॉल मध्ये काम करणारे तीन जण स्टॉल बन करून सुरक्षित ठिकाणी हलवण्यासाठी गेले होते. यावेळी विजेचा शॉक लागल्याने त्यांचा मृत्यू झाला आहे. अभिषेक घाणेकर, आकाश माने आणि शिवा परिहार अशी तिघांची नवे आहेत. अग्निशमन दलाने माहितीनुसार शहरात झाडपडीच्या 45 घटनांची नोंद करण्यात आली आहे. तर 2 घरपडीच्या घटनांची नोंद करण्यात आली आहे. शहराच्या विविध भागांमधील 6 सोसायटयां मध्ये पाणी शिरले आहे.
Pune Rain Update: पावसाच्या रेड अलर्टवर मुख्यमंत्री काय म्हणाले?
पुणे, मुंबईसह कोकणातील पावसाच्या पाश्वभूमीवर सर्व यंत्रणांना ॲक्शन मोडमध्ये राहण्याच्या सूचना दिल्याचं मुख्यमंत्री एकनाथ शिंदे यांनी मध्यमांशी बोलताना सांगितले आहे. प्रशासनातील अधिकारी प्रत्यक्ष फील्डवर उतरून परिस्थिति नियंत्रणात आणण्यासाठी प्रयत्न करत असल्याचंही यांनी सांगितलं,
मुख्यमंत्री म्हणाले की, “पुण्यात खडकवासला धरणात आणि धरणाच्या पाणलोट क्षेत्रातही मोठ्या प्रमाणात पाऊस पडला मावळमध्ये जवळपास 255 मिमी आणि मुळाशीत जवळपास 170 मिमी पाऊस पडला. त्याचा दुहेरी फटका बसला. त्यांमुळं पुण्यात जास्त पाणी साचलं जिल्हाधिकारी, पुणे आणि पिंपरीचे मनपा आयुक्त, पोलिस आयुक्त, एनडीआरएफ, एसडीआरएफ यांना सूचना दिल्या असल्याचही शिंदे यांनी सांगितले, त्यानुसार सर्व यंत्रणा काम करत असल्याचंही ते म्हणाले. लष्करासह सज्ज राहण्याच्या सूचना केल्याची माहिती एकनाथ शिंदे यांनी दिली. आर्मी, नेव्ही, एअरफोर्सच्या तुकड्याही गरज भासल्यास सज्ज आहेत, असंही ते म्हणाले. तसेच कुणाला गरज भासल्यास एअरलिफ्ट करण्यासाठी यंत्रणा सज्ज असल्याचं ते म्हणाले.
अधिक हिट व ताज्या बातम्या या आपल्या MHTimes24 ह्या संकेतस्थळावर वर दिल्या जातात. दिवसभरातील ताज्या बातम्या, राजकारण, खेळ, मनोरंजन आणि इतर घटनांच्या विस्तृत मराठी बातम्यांसाठी अपडेट रहा. अशा ताज्या बातम्या आपल्या मित्रमैत्रिणींसोबत शेअर करा. अधिक हिट बातम्या दररोज पाहण्यासाठी MHTimes24.com ला भेट द्या.
मित्रांनो अधिक हिट न्यूजसाठी आमच्या WhatsApp Group जॉईन व्हा !!